LAGER 103 (DEEL II)
OPERATIOUN FRÄIHEETSFONKEN
Grupp Saint Michel - Mierscher Guiden a Scouten, Geschichtsfrënn vun der Gemeng Miersch
.
Am Joer 1951 gouf virun der Mierscher Kierch ee Monument opgeriicht fir den Affer vum Zweite Weltkrich ze gedenken. Op dësem Monument stinn d’Nimm vu Resistenzler, Deportéierten an Zwangsrekrutéierten aus der Gemeng Miersch.
Zënter dem Joer 2020 realiséieren d’Geschichtsfrënn vun der Gemeng Miersch zesumme mat de Guiden a Scoute vum Grupp Saint Michel all Joer ee Film, deen engem vun dësen Affer gewidmet ass. De Film vun 2026 behandelt weiderhin d’Thema vun der Ëmsidlung an erzielt e.a. d’Geschicht vu Michel Rehlinger, den och am Lager 103 zu Boberstein internéiert war an do zwee Deeg virun der Joffer Catherine Arendt vu Recken verstuerwen ass.
.
Am fréiere Schlass vu Boberstein, haut Bobrów (PL), haten d’Nazien ee Lager fir déi Lëtzebuerger Ëmgesidelt installéiert. Hei goufen si an eng schappeg an ongerecht Welt gestach, déi hire Liewenswëllen trotzdem ni brieche konnt.
De Film ass duerch déi intergenerationell Zesummenaarbecht vu jonke Scouten a passionnéierte Geschichtsfrënn entstanen. Mat vill Recherchen, authentesche Kulissen a groussem Engagement soll dëse Projet d’Erënnerung un d’Affer aus der Gemeng Miersch lieweg halen.
