IWWERSCHWEMMUNGEN

Geschichtsfrënn vun der Gemeng Miersch

« Trois rivières arrosent le territoire de notre commune. Ce sont l’Alzette, l’Eisch et la Mamer… l’Alzette déborde fort souvent, surtout un peu au-dessous du village de Rollingen; près de Mersch ses débordements sont fréquents encore. Dans ses inondations elle dépose son limon dans les près qu’elle fertilise. Aussi la récolte du foin est-elle ordinairement fort abondante, mais par malheur il arrive souvent que l’eau de l’Alzette déborde pendant l’été … »

Dës Bemierkungen iwwert d’Iwwerschwemmunge stamen aus engem Bericht vun 1830.

D’Kelten, d’Réimer an d’Franken hunn sech bei eis zu Miersch niddergelooss, well se fruchtbar Wise fir hiert Véi hei fonnt hunn. Awer um Enn vum 19. Joerhonnert huet Lëtzebuerg duerch d’Thomasmiel e bëllegt Düngemëttel kritt, sou dass vun dunn un d’Iwwerschwemmungen nëmmen nach als eng Katastroph ugesi gi sinn.

.

Mir hu Fotoe vun den Iwwerschwemmungen am Ufank vum 20. Joerhonnert. Fir déi grouss Iwwerschwemmung vum 15 Juli 2021 konnten Drone benotzt gi fir dësen Desaster an allen Detailer ze dokumentéieren.

.

Eng Missioun vun de Pompjeeën ass de Leit ze hëllefen, also och bei den Iwwerschwemmungen. D’Pompjeeën hunn awer eréischt an den 90er Jore vun enger Privatpersoun e Schlauchboot geschenkt kritt. Wei dunn no den 90er Jore méi Iwwerschwemmungen zu Miersch waren, an d’Material op 6 Gebaier verdeelt wor, huet d’Iddi sech opgedrängt fir een Zentralgebai ze bauen, wou dat néidegt Material konnt gelagert ginn.